EGEF – Eskualde Garapenerako Europako Funtsak diruztatu egitasmoa

Beste diru-laguntzak: Estatua (Massif), Eskualdea eta Departamendua

Gaur egun, lekuko historia ez da aski ezagutzen. Menturaz ezagutzaren zabalkuntzaren eta transmisio-euskarri egokien eskasiak esplika lezake hori, ikerketaren eta kuriositatearen hutsuneek baino. Ikerketa eta transmisioaren artean dagoen amildegia doi bat leuntzeko asmoz, Baigorriko herriak Mehaka historia gunea ideki du. Tokiko historiaren zati bat denen eskura!

Baxenabarreren historia hiru zatitan

1189-1523

Baxenabarre
Nafarroako Erresuman

Nafarroako Erresuma Pirinioen iparraldean hedatu zelarik, orduan hasi zen osatzen Baxenabarre izanen zena eta erromantzez “Ultrapuertos" izena janzten zuen lurraldea. Erresumako beste probintziak bezala administratua zen eta tokiko jaurgoak boterea partekatzen zuen Nafarroako erregearekin.

Nolakoa da bertan bizi den jendea? 

Nola antolatzen da?

1523-1789

Baxenabarre
erresuma subiranoa

Gaztelarrek Nafarroa inbaditu ondoan, erresuma bitan zatitu zen: Pirinioen iparraldean Baxenabarre (Nafarroa Beherea) eta hegoaldean Nafarroa Garaia. Orduan, Baxenabarre edo "Reaume de Navarra" erresuma subiranoa bilakatu zen, Frantziako Erresumari lotzen hasi aitzin.

Zein dira Aro Modernoko erronka berriak? 

Nola aurre egin demografia hazkuntzaren arazoei?

1789...

Baxenabarreko erresumaren bukaera

Frantziako Iraultza Baxenabarrera heldu zen. Nafarrak Frantziako asanbladetara parte hartzera deituak izan ziren. Noble eta elizgizonek ez zuten berena ez zen erresuma bateko gertakarietan parte hartu nahi, heren estatuak aldiz…



Nola entzunarazi heren estatuaren aldarrikapenak? 

Nola integratuko da Baxenabarre Frantziar Iraultzan?

Kintoan Barna

Mehaka, Baxenabarreren historia gunearen sorkuntza Kintoan Barna izeneko Poctefa europear proiektuan sartzen da. Honen helburua Kintoatik iragaiten den Donibane Garazi-Iruñea ardatzaren dinamizazio sozioekonomikoa da, garapen turistikoaren estrategia amankomunen eta partekatuen bitartez.

Egitasmoaren diruztatzaileak: